As One Төсөл

As One Prject JCI Ulaanbaatar 2020 TEAM

ТӨСЛИЙН ТОВЧ ХУРААНГУЙ

JCI Улаанбаатар салбар байгууллага 2020 онд эерэг өөрчлөлт бүтээх хөгжлийн боломжийг залуучуудад олгох зорилгоор “AS ONE” төслийг хэрэгжүүлж байна. Энэхүү төсөл нийгэмд бидний адил ажиллаж, амьдарч байгаа аутизмын хүрээний эмгэгтэй хүмүүс, тэдний гаргаж буй үйлдэл, хандлагыг эерэгээр хүлээн авч сурах, тусалж дэмжих, ялгаварлан гадуурхахгүй байх, олон нийтэд зөвөөр ойлгуулах, бие биенээ гэсэн хүнлэг хандлагыг төлөвшүүлэх чухал ач холбогдолтой.

Харилцааны эмгэгтэй, тусгай хэрэгцээт хүүхэд залуусын байр суурийг нийгэмд эерэгээр таниулах, эрүүл аюулгүй орчинд сурч боловсрох орчин нөхцлийг бүрдүүлэх мөн тэдгээр нийгмийн бүлгийг ирээдүйд нийгэмд эзлэх байр суурьтай болгох, хүмүүнлэг нийгмийг бий болгох гол зорилготой.

Энэхүү төсөл нийгэмд бидний адил ажиллаж, амьдарч байгаа аутизмын хүрээний эмгэгтэй хүмүүс, тэдний гаргажбуйүйлдэл, хандлагыг эерэгээр хүлээн авч сурах, тусалж дэмжих, ялгаварлан гадуурхахгүй байх, олон нийтэд зөвөөр ойлгуулах, бие биенээ гэсэн хүнлэг хандлагыг төлөвшүүлэх чухал ач холбогдолтой.

Төслийн зорилго, зорилт

Энэхүү төсөл нийгэмд бидний адил ажиллаж, амьдарч байгаа аутизмын хүрээний эмгэгтэй хүмүүс, тэдний гаргаж буй үйлдэл, хандлагыг эерэгээр хүлээн авч сурах, тусалж дэмжих, ялгаварлан гадуурхахгүй байх, олон нийтэд зөвөөр ойлгуулах, бие биенээ гэсэн хүнлэг хандлагыг төлөвшүүлэх чухал ач холбогдолтой.

ТӨСЛИЙН ХЭРЭГЖҮҮЛЭЛТ

JCI ULAANBAATAR салбар нь НҮБ-ээс тодорхойлогдсон 17 тогтвортой хөгжлийн зорилтуудын хүрээнд нийцүүлэнхөгжлийн төлөөх түншлэлийг бэхжүүлэх үүднээс аутизмын эмгэгийн хүрээнд үйл ажиллагаа явуулж буй төрийн бус байгууллагууд болон энэ чиглэлд хамтран ажиллах сонирхолтой бизнесийн байгууллагуудтай хамтран дараах нэгдмэл зарчмыг баримтлан төслийг хэрэгжүүлнэ.

JCI Ulaanbaatar

Facebook: JCI Ulaanbaatar

Web site: www.jcimongolia.mn

Email: jciulaanbaatar@gmail.com

JCI Mission, Vision, Value

MISSION

ЭЕРЭГ ӨӨРЧЛӨЛТ БҮТЭЭХ ХӨГЖЛИЙН БОЛОМЖЫГ ЗАЛУУЧУУДАД ОЛГОХ

Нийгэмд бидний нэгэн адил амьдарч байгаа залуучууд, эцэг эхчүүд бид бусдынхаа үр хүүхдийн гаргаж буй зан авир, үйлдэл хандлагыг эерэгээр хүлээн авч сурах, тусалж байх, ялгаварлан гадуурхах хуучинсаг бодол, санаанаасаа өөрчлөгдөх, хүүхдүүддээ ч мөн ойлгуулах хэрэгтэй. Хэрэгжүүлэх арга хэмжээ, social promotionуудаар тэдэнд энэ сэдлийг төрүүлэх, татан оролцуулах, гишүүд, залуус маань өөрсдөө оролцсоноороо илүү хүнлэг, бусдыгаа гэх сэтгэлийг, бие биенээ илүү ойлгох, хүндлэх сэтгэл, хандлагыг төлөвшүүлэх болно.

VISION

ИДЭВХТЭЙ ЗАЛУУ ИРГЭДИЙН ДЭЛХИЙД ТЭРГҮҮЛЭГЧ СҮЛЖЭЭ БАЙХ

Төслийн үйл ажиллагаанд залуусыг татан оролцуулж, нийгэмд үзүүлэх эерэг нөлөөллийн хэмжээг ихэсгэх, хүчээ, дуу хоолойгоо нэгтгэх уриалга явуулах, тусламж хэрэгцээтэй нэгэндээ тусалж байх идэвхтэй залуусыг JCI байгууллагад элсэн оруулах, идэвхтэй иргэн байхад боломжуудыг бий болгож өгөх, гишүүдийн идэвхтэй оролцуулах, ГИШҮҮДИЙН ОРОЛЦОО, ГИШҮҮҮДИЙН ҮҮРЭГ тодорхой тусгаж өгнө.

VALUE

STRATEGY

Oролцогч талуудын оролцоо өргөн байлгах, сонирхлын бүлгүүдийг хүсэлт сониролд нийцсэн, төр, хувийн хэвшил, нийгмийн байгууллагуудын эргэх холбоог бий болгосон, урт хугацаанд тогтвортой хэрэгжих зндсэн зарчмын баримтлах болно.

Хүнлэг харилцаа

Л.Цэрэндолгор /СЭМҮТ. Хүүхэд, өсвөр үеийн клиникийн эрлэгч, эмч/

Би эмч хүн учраас миний ажлын байран дээр заавал #ХүнлэгХарилцаа -г эрхэмлэж ажиллах шаардлага гардаг. Мөн өөрийн минь хувь хүний онцлог гэж би боддог. #ХүнлэгХарилцаа гэдэг нь “Хүн” гэдэг язгууртай байгаагаас нь авч үзвэл бие биенээ ойлгох, хүн гэдэг талаас нь харах, хүлээн зөвшөөрөх, түүний үндсэн дээр ойлгож харилцах харилцааг хэлнэ гэж боддог. Аутизм гэхээр нийт хүн амын тоотой харьцуулаад үзэхэд цөөн тоотой байдаг болохоор хүмүүс эвэртэй туулай үзсэн юм шиг хүлээн авдаг. Харин эсрэгээрээ нийт хүн амд тохиолдож буй тоогоороо дийлэнх байсан бол бид нар үүнийг өөрөөр хүлээж авахгүй. Харин ч аутизмгүй хүмүүс илүү эвгүй харагдах байсан байж магадгүй. Үүнийг зөвөөр хүлээн авахын тулд бидэнд ойлгоё гэх чин хүсэл, мэдлэг хэрэгтэй.

М.Одонтунгалаг /Аутизмын холбооны гишүүн/

#ХүнлэгХарилцаа -гэдэг нь аливаа зүйлийг шүүхээсээ өмнө энэхүү зүйлийн цаана ямар утга учир байгаа юэ? яагаад ингэж байгаа вэ? гэдийг ойлгохыг хүсэж, хүлээцтэй хандахыг #ХүнлэгСэтгэл буюу хүнлэг харилцаа гэж боддог. Аутизмтай хүүхдүүд дуу чимээ, гэрэлд их мэдлэг байдаг байдаг учраас өөрийгөө илэрхийлж, бусдад ойлгуулах явц нь жирийн хүүхдүүдтэй харьцуулахад арай өөр байдаг. Энэ зүйлийг бусад хүмүүс хүлээж авах, ойлгох чадвар дутмаг байдгаас болоод ам дамжин буруу мэдээлэл тарах тохиолдол их байдаг. Аутизмтай хүүхэд өсгөж яваа ээжийн хувьд хэлэхэд: Юуны өмнө ялгаварлан гадуурхалт байхгүй байгаасай гэж маш их хүсдэг. Үүнийг ойлгохын тулд мэдлэгтэй байж, ойлгож хүлээн авч, үүнийгээ бусдад эерэгээр түгээдэг байгаасай гэж чин сэтгэлээсээ хүсэж байна.

#ХүнлэгХарилцаа #АутизмыгЗөвөөрОйлгоё #АsOne

Б.Мөнхгэрэл /БГД Цагдаагийн 2-р хэлтэс - Гэр бүлийн хүчирхийлэл, хүүхдийн гэмт хэргээс урьдчилан сэргийлэх ахлах мэргэжилтэн/

Насанд хүрсэн хүмүүсийн хувьд: Бид өөрсдөө үлгэрлэхгүй байж хүнээс, хүүхдүүдээс зөв үлгэр дууриалал үзүүлэхийг хүсдэг явдал багагүй. Ялангуяа бага насны хүүхдүүдэд зөв үлгэр дууриалал үзүүлж байж #ХүнлэгХарилцаа хүнлэг байдлын тухай ярих хэрэгтэй болно. Бид өдөр тутамдаа санаатай болон санаандгүй байдлаар ялгаварлан гадуурхах үйлдлийг гаргаж байдаг. Энэ маань үр хүүхдүүдэд маш сөргөөр тусдаг. Бид үүнийг байхгүй болгохын тулд өөрсдөөсөө эхлэх ёстой. Бүгдээрээ аутизмын тухай мэдлэгтэй болцгооё. Үр хүүхдүүддээ үлгэрлэе.

168 (Tengis Motr) /Уран бүтээлч/

Бид нэг нэгнээ ойлгож #ХүнлэгХарилцаа -г эрхэмлэснээр нийгмийн стрессийг багасгах боломжтой. Залуучууд бид #ХүнлэгХарилцаа гэдгийг хамгийн их хөндөх хэрэгтэй байгаагийн шатгаан нь бид бүхэн хүнлэг харилцаатай байх юм бол нийгэмд эерэг өөрчлөлтийг авчирч чадна.

С.Түмэнгэрэл /Шарк/

#ХүнлэгХарилцаа -тай нийгэм бол хамгийн хөгжилтэй нийгэм гэж би ойлгодог. Аутизмтай хүмүүсийг хамгийн их зовлонд учруулдаг зүйл нь хөгжлийн бэрхшээл нь биш хүмүүсийн харилцаа, харж байгаа харц, хэлж байгаа үг байдаг. Тэд зүгээр л энгийн, хүмүүсийн хоорондын харилцааг хүсдэг, өөр юу ч хүсдэггүй. Аутизм бол зүгээр л эмгэг, хэнээс ч хамааралгүй, хэнтэй ч тохиолдож болохоор. Тэгэхээр тэр хүмүүсийг зөв ойлгож харьцах хэрэгтэй.

Баярлалаа

JCI Ulaanbaatar салбар байгууллагаас нийгмийн хариуцлагын хүрээнд хэрэгжүүлж буй AS ONE /Бидний нэг/ төслийн хүрээнд Аутизмыг зөвөөр ойлгоё уриан дор хандивын аяныг зохион байгууллаа. Coffee худалдан авахдаа Аутизмтай хүмүүсийг ойлгож, эерэгээр хүлээн авцгаах аяныг дэмжин Autism Association of Mongolia -нд хандив өгөх боломжтой энэхүү аяныг дэмжин хамтран ажилласан Jack’s Coffee болон Monbakery хамт олонд талархал илэрхийлье.

Тог тог тог

#ХүнлэгХарилцаа – “Аутизмыг зөвөөр ойлгоё” богино хэмжээний уран сайхны кино

Багш нарт зориулсан гарын авлага

Монголын Аутизмын Холбоо Нээлттэй Нийгэм Форумын санхүүжилтээр хэрэгжүүлж байгаа «Аутизмтай хүүхдийг боловсролд тэгш хамруулахыг дэмжих нь» төслийнхөө хүрээнд ангидаа аутизмтай хүүхдийг тэгш хамруулан сургаж байгаа багш нарт зориулсан гарын авлагыг бэлтгэн, JCI Ulaanbaatar байгууллагын санхүүгийн дэмжлэгтэйгээр хэвлүүлэн гаргалаа.

Тус гарын авлага нь хоёр хэсгээс бүрдэх ба 1-р хэсэг нь аутизмын хүрээний эмгэгийг тайлбарласнаас гадна боловсролд тэгш хамруулах үндсэн зарчмууд ба стратегиудыг танилцуулсан юм.

2-р хэсэгт хичээл тус бүрийг хэрхэн заах талаар дэлгэрэнгүй мэдээллийг оруулсан байна. Үүнд, аутизмтай хүүхдийн сурах онцлогийг харгалзан тоо бодох, унших, бичих чадварыг хэрхэн эзэмшүүлэх, нийгмийн ухааны хичээл, байгалийн ухааны хичээл, хөгжмийн хичээл, биеийн тамирын хичээл, дүрслэх урлагийн хичээлийг хэрхэн заах тухай тодорхой тайлбарлан зааварчилсан юм.

Мөн номын төгсгөлд ерөнхий боловсролын сургуульд сурч байгаа аутизмтай хүүхдүүдтэй ажиллаж байгаа монгол багш нарын туршлагаас кэйс хэлбэрээр орууллаа.

Энэ номыг хэрэглэснээр аутизмтай сурагчтайгаа ажиллахад багш нарт илүү дөхөм болно гэж бид итгэж байна. Эцэг эхчүүд ч гэсэн энэ номыг хүүхдийнхээ гэрийн даалгаврыг хийлгэх, хичээлийг давтуулах, багш ба сургуультай нь хамтран ажиллахдаа хэрэглэх боломжтой юм.

Үзэх

Syndicate talk #48 Оюуны ялгаатай хөгжилтэй иргэдийн хөдөлмөр эрхлэлт

Коронавирус дэлхий даяар тархаж, улс орны эдийн засагт хохирол учруулаад удаж байна. Энэ хүнд үед хамгийн ихээр хохирч буй иргэд яах аргагүй хөгжлийн бэрхшээлтэй, эмзэг бүлгийнхэн болжээ.

Ялангуяа энэ цаг үед өөрийгөө илэрхийлэх чадвар сул буюу оюуны ялгаатай хөгжилтэй иргэдэд ажлын байрны тэгш бөгөөд хөдөлмөр эрхлэх шударга боломжийг олгох ёстой. Ингэж байж тэд эдийн засгийн хувьд бусдаас хамааралгүй амьдрах боломжтой билээ.

Энэ талаар олон нийтэд мэдээлэл өгөх, хандлагыг нь өөрчлөх, соён гэгээрүүлэх зорилгоор манай баг ээлжит нэвтрүүлгээ та бүхэнд тун удахгүй хүргэх гэж байна.

Нэвтрүүлгийн зочдоор Autism Association of Mongolia Монголын аутизмын холбооны гүйцэтгэх захирал Altangerel Hikari, DSAMmn Монголын дауны холбооны гишүүн Dovchinjav Khishigjargal, JICA DPUB Улаанбаатар хот дахь ХБИ-ийн нийгмийн оролцоог дэмжих төсөл Улаанбаатар хот дахь ХБИ-ийн нийгмийн оролцоог дэмжих төсөл Улаанбаатар хот дахь хөгжлийн бэрхшээлтэй иргэдийн нийгмийн оролцоог дэмжих төслийн ахлах зөвлөх Hisao Chiba, Хөдөлмөр, Нийгмийн Хамгааллын Яам-ны Хүн амын хөгжлийн газрын дарга С.Тунгалагтамир нар оролцлоо.

Гар зургийн уралдаан

Хүүхдийг Ивээх Сангийн “Хүүхэд бүрийг боловсролд тэгш хамруулах зарчмыг дэмжих нь” төсөл, JCI Улаанбаатар салбарын “Бидний Нэг” төсөл, Монголын Аутизмын Холбоо хамтран гар зургийн уралдаан зохион байгуулж, дүнгээ гаргалаа. Энэхүү уралдааныг Хүүхдийг Ивээх Сангийн хэрэгжүүлж буй “Хүүхэд бүрийг боловсролд тэгш хамруулах зарчмыг дэмжих нь” төслийн Улаанбаатар хотын зорилтот 12 сургууль, Насан туршийн боловсролын гурван төвийн сурагчдын дунд зохион байгуулсан юм.

Хүүхдэд бага наснаас нь зөв хүмүүжил олгох, хүүхэд, залуучууд нэгнээ ялгаварлан гадуурхалгүй харилцах, тусгай хэрэгцээт хүүхдийг ойлгон, хүлээн зөвшөөрөх, тэдэнтэй найз нөхөд болж тусалж дэмждэг болох, сурагчдын бүтээлч сэтгэхүйг хөгжүүлж, дотоод сэтгэлээ зургаар илэрхийлэх боломж олгоход уралдааны зорилго оршиж байв.

Уралдаанд бага буюу 1-5 дугаар ангийн сурагчид “Сургууль бидний гэр- Бид нэг гэр бүл”, дунд буюу 6-8 дугаар ангийн сурагчид “Би ялгаварлахгүй- Хүүхэд бүр тэгш эрхтэй”, ахлах буюу 9-12 дугаар ангийн сурагчид “Хүнлэг харилцаа-Аутизмыг зөвөөр ойлгоё” сэдвээр оролцлоо.

Гар зургийн уралдааны бага ангийн төрөлд 1-р байрыг 79-р сургуулийн 5а ангийн сурагч Р.Аминзул, 2-р байрыг 37-р сургуулийн 1д ангийн сурагч Д.Наранзул, 3-р байрыг 67-р сургуулийн сурагч 5в ангийн сурагч Э.Нарансондор, тусгай байрыг Шавь цогцолбор сургуулийн 2г ангийн сурагч Э.Ану, 9-р сургуулийн 4б ангийн сурагч Л.Эрдэнэбаатар нар, дунд ангийн төрөлд 1-р байрыг 65-р сургуулийн 8г ангийн сурагч Г.Анхмэнд, 2-р байрыг Баянзүрх дүүргийн НТБТ-ийн 4-р ангийн сурагч Н.Болор-Эрдэнэ, 3-р байрыг 39-р сургуулийн 8в ангийн сурагч Н.Эрдэнэсувд, тусгай байрыг Шавь цогцолбор сургуулийн 8е ангийн сурагч Н.Маралжингоо, Сонгинохайрхан дүүргийн НТБТ-ийн 6а ангийн сурагч Л.Ховор-Эрдэнэ нар, ахлах ангийн төрөлд 1-р байрыг 9-р сургуулийн 11г ангийн сурагч Ц.Ганболор, 2-р байрыг 65-р сургуулийн 12а ангийн сурагч М.Энхжин, 3-р байрыг 61-р сургуулийн 11а ангийн сурагч Б.Номин-Эрдэнэ, тусгай байрыг 37-р сургуулийн 12г ангийн сурагч Г.Солонго, 61-р сургуулийн 11а ангийн сурагч Б.Анужин нар тус тус эзэлсэн байна.